你曾經講過, 你搵男朋友, 一定要搵個見到有將來既. 之前俾男仔傷害過, 所以好驚再拍拖, 驚傷害人又傷害自己. 

我都好驚會傷害你, 經常諗d得意野黎氹你, 亦好驚你身邊咁多男仔出現, 會驚唔知幾時呢d男仔會搶走你. 
我知你對自己成日好冇信心, 所以好多時咩都唔敢做, 唔敢講. 我以為, 幫你搞掂d你唔係好知既野之後, 你可能最少會對你自己既能力有返少少肯定, 原來仲令你驚多d.

你講過你同Kennis同埋再之前Lemon (?) 野事俾我知…
你當時好驚, 如果同Kennis散左之後你會搵唔返一個真心真意愛你, 而你又全心全意咁愛既男人. 曾幾何時, 我發現到幸福既感覺就係同你一齊. 
而亦都好多次, 你講過即使同佢係返埋一齊, 都未必真係再鐘意, 只係想再拍拖, 好快會再散, 因為, 問題始終冇解決到, 而你都冇講過你地問題係邊…
同你分手之後, 曾經有諗好多野. 有諗過點樣氹返你, 點樣追返你. 
而家先真係明白, 我同你既問題, 的確冇解釋, 只係一次又一次咁拖住. 
今次既分手, 對你可能係一種解脫, 對我既傷害就好大.
我知你想搵一個可以做老公既男朋友, 我就只係focus左係老公o個方面, 忽略左男朋友呢邊. 曾經以為, 我俾到你一種感覺, 就係「愛我一世既男人已經出現左」, 
好可惜, 因為我既愚蠢令你再失望一次.
今次你對我失望同死心, 我對你都有失望. 你以前係一個好注重人地感受既人, 每一個朋友既感受你都會諗到, 
但係, 今次…..雖然話以前我成日忽略你, 令你好孤單, 
但分手之後, 我戀算為你喊過, 傷心過, 絕食過, 失眠過, 飲醉過, 甚至要睇心理同精神科醫生….
已經唔敢奢望同返你一齊, 只係希望同講講多次電話, 遲d可能可以做返朋友者….你竟然咁絕情…
只係計呢兩個禮拜我為你付出左咁多, 呢一個電話都應該賺到啦…
你既絕情真係令我好痛心, 又好失望…
雖然, 我而家會怨你點解咁絕情, 唔俾機會我..
但我相信, 上天係唔會待薄有心人. 
你都曾經講過, 唔會再為一時感動而做錯事傷害到人同埋傷害到自己…
你所講既野, 有時我扮聽唔到, 有時我扮唔專心, 其實每句我都有聽架…
我好希望, 你今次同Eric一齊, 都只係一時感動, 一時發悔氣, 一時衝動而同佢一齊…但另一方面, 我都好希望佢就係你既真命天子.
雖然我口講話要放棄你, 對你好失望, 你唔再值得我好愛, 
但係, 時間可以証明一切. 
如果你係我既真命天子, 你始終都有返黎既一日.
如果你唔係既, 我而家強求亦冇用.
我已經學識放手啦.
情感上, 終於得到左短暫既解脫.
你放心, 當有一日你想返屋企既時候, 
唔使驚我度門唔會為你而開.
因為, 我心呢度門, 而家係上左鎖, 
但係, 鎖匙一直都係你手上.
Advertisements

Posted on June 14, 2009, in Uncategorized. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: