Daily Archives: April 10, 2007

最近諗返起港女…d人成日話d香港人太追求太崇尚名牌, 一味鬧d香港人唔知幾多千幾多千蚊買咩LV呀Gucci呀咁…我最近都有諗過, 其實問題唔在於香港人心理, 唔在於名牌度, 係在於邊個傳播呢d思想…如果冇人推廣追求名牌既概念, 冇人話名牌等於潮流, 更甚者根本冇人講求追到潮流等於有型等於受歡迎呢d奇怪思想, 根本唔會有呢d問題發生。

咁…到底邊個要負責? 我覺得係: 「東Touch」.佢期期都放d咩Gucci新款, 咩潮人必備…其實通通都係垃圾。根本就係呢d公司俾sample佢地, 甚至俾埋錢叫佢地賣佢地既product, 平民百姓個個禮拜買呢d雜誌, 耳濡目染之下當然有追求名牌既文化同風氣。又應該公平d咁講, 自信心低既人先會追求名牌。佢地認為名牌先係自身肯定既唯一方法, 認為自己冇野可以令人尊重自己, 就唯有用名牌黎獲得其他人既尊重羨慕同認同。佢地希望用名牌野放係自己身上, 可以令自己同有錢人接近一d…亦即係話, 香港人係追求名牌, 取笑大陸同胞一落黎香港就狂買名牌, 當自己以為自己高人一等既同時, 其實自己亦有自悲, 缺乏自信心既一面。當我地取笑 / 睇唔起人既時候, 係咪都應該反省一下睇唔起人地d乜呢? 大陸同胞黎到香港有時既所作所為當然唔值得認同, 但作為香港人有時都要自我反省。

Advertisements